Era ua beç Nosso-Senhor que habie criado l mundo i todos ls animales: las cabras, las canhonas, las bacas, ls cabalhos, ls cochinos, ls perros, ls gatos, ls liones, ls tigres, ls alifantes, ls ratos, las liberas, ls coneilhos, buno, todos, todos...
Bai adespuis de ls abes criado, fizo-les passar todos por an pie del i iba-le ponendo a cada un sou nome: — Tu sós baca, tu sós bui, tu sós tubeira, tu sós carneiro, tu sós cordeirico — dixo pa l rapazico de la oubeilha — tu sós lion, tu sós cabalho, tu sós jumento, dixo pa l burro, i tu sós gato, i tu coneilho, i tu cabra, i tu chibo, i fui assi ponendo a todos l sou nome, até que se acabórun. Bai anton l jumento çqueciu-se-le l sou nome. Ida ls outros animales nun habien acabado de recebir ls sous nomes i yá l jumento staba a apertar culs outros para que le deixássen achegar-se a Nosso-Senhor para saber cumo se chamaba. Quando anton se achega a Nosso-Senhor, cun cara de asno a perguntá-le: — Oh meu divino Mestre, eu cumo me chamo que já se me esqueceu? Bai Nosso-Senhor anton puxou-lhes pulas oureilhas, até que se quedou cun las oureilhas grandes i dixo-le assi: — Tu és burro!... que já não te lembras do teu nome. I apuis l burro quedou-se a chamar burro i siêmpre cun las oureilhas grandes.
Tu és burro!
