Laços, Raizes i Ancantos 19/20 Febereiro

Ótimas antradas an 2011....I nada melhor para ampeçar l'anho qu'alguas eimaiges subre l local de l nuosso próssimo eibento:

Miranda de l Douro

....Çcubra-me i ancante-se!

I nesse fin de sumana, coincidindo cul nuosso eibento, teremos la :

XII

eidiçon de la Feira de ls Sabores de Miranda de l Douro

Miranda de l Douro carateriza-se pula sue ruralidade, ouferecendo un leque de perdutos adonde çtacamos la pecuária. Assi, atrabeç de l cochino, i de ls bobinos de raça mirandesa, de la churra Galega Mirandesa, prepara-se la única gastronomie tradecional. De l cochino, porduç-se ua grande bariadade d'anchidos cumo las deliciosas tabafeias, chouriças, chouriços, l persunto fumado i l bulho. De ls bobinos de raça mirandesa puode-se apreciar l'anconfundible posta mirandesa. Tamien çtacamos la churra que ye ua raça de cordeiros serbido assado na brasa. Rialce tamien pa l tradecional folar de chicha. La doçarie tamien ye dibersificada: Las tradecionales cabaças, ls roscos( aromatizados cun anis) ls sodos, la bola doce, l mel i bariadas cumpotas.

.

Tierra de la segunda léngua oufecial pertuesa – L Mirandés. Ten un dibersificado i balioso patrimonho cultural, stórico i arquitetónico. Rialçamos ls Pauliteiros, l Castielho i la sue amponente Sé. Çtaque inda pa la culidade gastronómica de la sue mesa, de ls anchidos, de ls binos i de l'azeite. La spitalidade de la sue giente ye reconhecidamente admirable.

Cierta minte, conheceremos outros recantos i traremos nuobos sorrisos i ancantos, depuis de percorrermos alguns trilhos an pleno Parque Natural de l Douro Anternacional i conhecermos un pouco mais las sues ancestrales tradiçones!

tierra de giente buona, Miranda, ye mui probabelmente, ua de las mais guapas cidades de Pertual.

NOTA: TEXTO ESCRITO EM MIRANDÊS - SEGUNDA LÍNGUA OFICIAL PORTUGUESA.

Promoção de comportamentos de vida saudável e feliz.

adefacec2011